忌廉又回復返精活潑的樣子了, 希望忌廉唔好再病, 我心血少, 醫生叫我要放鬆, 多d休息, 但最近就是特別多事發生, 返學既事我真係唔想繼續, 感覺係力不從心, level 爭太遠.
好似無一晚我係夠訓, 忌廉你几事先可以適應新的生活習慣? 才一個月你病了兩次, 其實我也同時病緊, 我地兩個都要努力, 加油.
昨晚去了跟舊同學打邊爐, 又見返几位n年無見過既同學, 講起返學時的事情都好開心, 但講到現實, 原來每人各自都有自己的問題, 真係你看我好時, 我又以為你很幸福, 或者有很多事真係整定掛.
打完邊爐還去了B字涼粉, 回到家已經十二點几, 唔生性既電腦又出事, 已經夜訓忌廉仲要六點撩我陪佢玩, 見到忌廉個樣我又唔忍心伸佢落床, 天丫, 點解星期六要返工呢? 真係好揀唔揀又係整定. 唔知點解呢輪好唔想返工, 好想抖下, 抖下..
好多事想寫, 但又確係太忙, 連E-MAIL 都几個月先CHECK一次, MSN又唔開, 難怪miss 左 海倫的電郵.
遲d有套”貓咪咕咕”上畫, 好想看丫, 看到咕咕的睡相就想起忌廉又係訓到咁咖, 可能呢d係貓既天性~
